ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានស្នើឲ្យបញ្ឈប់ការចែកចាយ ផ្ដល់ជូននូវសុន្ទរកថារបស់សម្ដេចនៅក្នុងកម្មវិធីនានា ទៅកាន់អ្នកសារព័ត៌មាន ដោយថានៅពេលដែលសម្ដេចឡើងថ្លែងគឺសម្ដេចមិនបានអានតាមសុន្ទរកថាទាំងស្រុងនោះទេ។

សម្ដេចតេជោថ្លែងបែបនេះ នៅក្នុងកម្មវិធីបិទសន្និបាតបូកសរុបលទ្ធផលការងារឆ្នាំ២០២២ របស់ក្រសួងរៀបចំដែនដីនគរូបនីយកម្មនិងសំណង់នៅរសៀលថ្ងៃទី២៧ ខែធ្នូ ឆ្នាំ២០២២។

ជាមួយគ្នានេះផងដែរសម្ដេចក៏បានស្ដីបន្ទោសទៅដល់ខុទ្ទកាល័យរបស់សម្ដេចដែលចែកចាយនៅសុន្ទរកថាព្រាងរបស់សម្ដេចផងដែរ។

សម្ដេចលើកឡើងថាប្រសិនជាកម្មវិធីណាដែលសម្ដេចអានសុន្ទរកថាទាំងស្រុងគឺអនុញ្ញាតឲ្យចែកចាយ លើកលែងតែកម្មវិធីដែលសម្ដេចថ្លែងជាសាធារណៈ៕